ڕاگەیاندراوی کۆتایی کۆنگرەی هیوا، پێنجەمین کۆنگرەی پارتی سەربەخۆیی کوردستان
.jpg)
کۆنگرەی پێنجەمی پارتی سەربەخۆیی کوردستان لە ڕۆژەکانی ٢ و٣ و٤ی بانەمەڕی ساڵی ٢٧٢٢ ی کوردی لە شاری وێسترۆسی وڵاتی سوئێد بە بەشداری ئەندامانی ئەنجومەنی سەرکردایەتی و نوێنەری ئەندامان لە ژێر ناوی "کۆنگرەی هیوا" و بە دروشمی "یەکگرتوویی هەوێنی سەرکەوتنمانە" بەسترا .
بە شێک لە ئەندامان لە ڕێگای ئۆنلاینەوە بەشداری کۆنگرەکە بوون. کۆنگرە دوای ئەوەی کە کۆمیتەی ئامادەکاری کۆنگرە بە خێرهاتنی بەشدارانی کۆنگرەی کرد و ڕیزی بەرنامەکانی چەند ڕۆژی کۆنگرەی پێشکەش بە بەشدارانی کۆنگرە کرد بە سرودی نەتەوەیی ئەی ڕەقیب و دوای سرودەکە ساتێک بێدەنگی بۆ ڕێز گرتن لە ڕەوانی پاکی شەهیدانی ڕێگای ئازادی و ڕزگاریی کوردستان کرایەوە و ڕێز لە خەبات و خۆڕاگریی زیندانیانی سیاسی لە زیندانەکانی داگیرکەرانی کوردستاندا گیرا.
کۆنگرە بە پێشکەش کردنی ڕاپورتی ناوەندی سەرکردایەتی پارتی سەربەخۆیی کوردستان لە لایەن بەڕێز کاک ئەمیر قازی، سکرتێری پارتی دەستی پێکرد و پاشان دوای ڕا و بۆچونی ئەندامانی کۆنگرە و باسێکی تێر و تەسەلی لە سەر ئەو بابەتە لە لایەن ئەندامانەوە پەسند کرا.
لەدوای ڕاپورتی سەرکردایەتی پارتی سەربەخۆیی کوردستان پەیامی پارت و لایەن و کەسایەتیە سیاسیەکان خوێندرانەوە کە بەبۆنەی کۆنگرەی پێنجەمی پارتی سەربەخۆیی کوردستانەوە پێشکەش کرابوون. جێگای ئاماژەیە کە پەیامەکان تژی بوون لە هیوای سەرکەوتن و ڕێنوێنی و ئاموژگاری و هاوفیکری لە پێناو سەرکەوتن و گەیشتن بە سەربەخۆیی و ڕزگاری یەکجاری، کە کۆنگرە لە دڵەوە سپاسی کردن.
بڕگەیەکی تری کۆنگرە باس و لێکدانەوە و هەڵسەنگاندن بوو سەبارەت بەو هەل و مەرجە ئاستەمەی وا ئێستا جیهان و مرۆڤایەتیی پێدا تێپەڕ دەبێت و شوێن، پێگە و هەڵوێستی ئێمەی کورد لەو ئاڵوگۆڕانەدا. هەروەها پێدا چوونەوەیەک بە مێژووی ڕابردو و تایبەتمەندیەکانی خەباتی کوردایەتی لە هەموو پارچەکانی کوردستان و دەستنیشان کردنی ئەو فاکتەرانەی کە وا هۆکار بوون و ڕۆڵ و کاریگەریان لە بە ئامانج نەگەیشتی خەباتی نەتەوەی کورد بە گشتی هەبووە. کۆنگرە توانی بە پێی توانا هۆ و دەرەنجامەکان دیاری بکات و چەند پێشنیاز و پرۆژە بۆ ڕیگاچارە بخاتە ڕوو و تاو توێیان بکات. ئەم لێکدانەوەیە بە زوویی دێتە بەر دیدی هاونیشتمانیانی بەرێز.
بڕگەیەکی تری کۆنگرە تایبەت بوو بە ڕەخنە و پێشنیازەکان لە کار و شێوەی بەڕیوەبەری و دەرەنجامەکانی لە سەر خەباتی پارتی سەربەخۆیی کوردستان.
بەشێکی دیکەی کاری کۆنگرە تایبەت بوو بە مانیفێستی ڕزگاری بەرنامە و پێڕەوی نێوخۆی پارتی سەربەخۆیی کوردستان و پێداچوونەوە و هەوڵدان بۆ زیاتر بە ئەوڕۆیی کردن و پەسەند کردنی.
دیاریکردنی پلان و پڕوژە بۆ کار و چالاکیەکانی داهاتووی پارتی و ڕێنوێنی و ڕاسپاردەکانی بەشداران بۆ سەرکردایەتی داهاتووی پارتی بەشێکی تری کاری کۆنگرە بوو.
لە بڕگەی کۆتاییدا ئەندامانی نوێی سەرکردایەتی پارتی سەربەخۆیی کوردستان هەڵبژێردران و کۆنگرە هیوای سەرکەوتنی لە بەڕیوەبەری پارتی تا کۆنگرەی داهاتوو بۆ خواستن. بە خۆشیەوە کۆنگرە لە ئەتموسفێرێکی دۆستانەی پڕ لە هیوا بە ڕزگاری یەکجاری و سەربەخۆیی کوردستاندا کۆتایی پێهات .
سەرکەوێ خەبات بۆ رزگاری یەکجاری و سەربەخۆیی کوردستان.
پارتی سەربەخۆیی کوردستان
٥ی بانەمەڕی 2722ی کوردی
۲٥ی ئاوریلی ۲٠۲۲
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment