هەڵەبجە ئەو کاتەی وا گەزیزەکان سپای کڕێوە و بەستەڵەکیان شکاند، نووسینی سەلاح سوڵتانپەنا
هەڵەبجە
ئەو کاتەی وا
گەزیزەکان
سپای کڕێوە و شەختە و بەستەڵەکیان
شکاند ، گەڕانەوە.
لە داوێنی شاخ و پێدەشت
بە ئاهەنگی گڤەی شەماڵ
خوڕەی قەڵبەز
ڕەشبەڵەکی شاییان گرت
بووژانەوە.
ئەوکاتەی وا
بووکی بەهاری تارای سەوز بەسەر
بۆماڵی بەخت بۆ ساڵی نوێ
ئەهاتەدەر
هەر ئەو کاتە
دێوی غەزەب ، هەوری نەهات
لە هەڵەبجەی خێر نەدیوو
لە باتی جەژنانە و شیرینی
خۆشەویستی و هەست و سۆز
ژەهریان
لە بەرگی بۆنی گوڵی سێو
بۆ کردین بە مەزە
بۆ شەرابی سەر سفرەی
حەوت شینی نەورۆز
لەو کاتەوە
شازدەی مانگی سێ و هەڵەبجە
بۆ داگیرکەر
هۆی نەمانە ، کۆتاییە
پەڵەی ڕەشی نێو چاوانە
کوژانەوەی مۆمی تەمەن
تاریکیە و فەوتانە
لەو کاتەوە
شانزەی مانگی سێ و هەڵەبجە
بۆ جیهانی ئەتک کراو بە سەرمایە
لەبار چوونی لفەدوانەی
دیموکراسی و مافی مرۆڤی تێدایە
لەو کاتەوە
شانزەی مانگی سێ و هەڵەبجە
بۆ ئێمەی کورد
پێناسەیە ، هەستە ، سۆزە ، هەناسەیە
پیرۆزە ، هۆی ژیانە
ڕەمزی بوون و هەرمانە
هەموو ساڵێک یادی دەکرێت
لای ئێمەی کورد
تاجی سەرە قەت نامرێت
سەلاح سوڵتانپەنا
شیسمۆکۆرشە نوروێژ
16/03/2020
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment