پیرۆز بێت نەورۆز، هێمای نوێ بوونەوە و ڕابوون و هەستانەوە، نووسینی سەلیم حەقیقی
هاو وڵاتیانی خۆشەویست
خوشک و برایانی کوردستانیم
دوای نەمانی کزەبای سارد و کەشی بەستەڵەکی زستانێکی پڕ لە جووڵەی ئازادی، بەرەو پیلی بەهار و نەورۆزی کوردەوای دەچین. نەورۆز بۆ ئێمەی کورد هێمای نوێ بوونەوە و ڕابوون و هەستانەوەیە، هێمای سەرلەنوێ بونیادنان و دەستپێکی خەبات بۆ ژیانێکی سەربەست و ئازادانەیە.
ساڵی ١٤٠١ بە دەستپێکی شۆڕشی ژینا خاڵێکی وەرچەرخانی مێژوویەکی نوێ بۆ کورد دەستی پێکرد، لەو راپەڕینە مەزنەدا کە ئێستاش بە شێوازی جۆراوجۆر بەردەوامە سەدان ئازیزمان لە پێناو مافی نەتەوەیی، ئازادی و سەربەستی لەدەست دان، بریندار بوون و کەوتنە ڕەشە چاڵەکان؛ ئەگەرچی ڕوح و گیانمان بریندار بوو و ساڕێژ بوونەوەشی تەنیا و تەنیا بە ئازادی و مافی چارەی خۆنووسینی نەتەوەییمان وەدەست دێ؛ ئەمەش بە نەمانی ڕێژیمی کۆماری ئیسلامی دژە کورد و داگیرە.
ئێستا لە هەموو کات زیاتر نەتەوەی ئازای کورد پێویستی بە کەسانی زانا و دەروەست هەیە هەتا ئەو دەرفەتە مێژووییە لەبار نەچێ و بە قۆزتنەوەی هەل و دەرفەتەکان هیوای گەیشتن بە ئازادی کوردستانمان لێ وەدیار بکەوێ. ئەوەش ناکرێ مەگەر ئەوەیکە بزووتنەوەی سیاسی کورد و سەرکردایەتییەکەی پێکەوە و بە یەکێتی و تەبایی وێڕای کۆمەڵگای کوردی دەست لەناو دەستی یەکتر بەبێ لەبەرچاو گرتنی کێشە و ناتەباییەکان و هەموو گرفتەکانییان، بە ڕوحێکی خوشکانە و برایانە هەوڵی یەکخستنی گوتارێکی هاوبەشی نەتەوەیی بدەن.
وەک کوردێک و باوکی شەهیدێکی ڕاپەڕینی ژینا تکام ئەوەیە نەتەوەی کورد بەتایبەت تاکی زانا و ئازا لەگەڵ حیزبەکانی خۆیان بن و ڕێنوێنیان بکەن و بەهیج شێوەیەک نەکەونە داوی دووبەرەکی و دژایەتی یەکتر، با خەڵکی کورد متمانەی بە حیزبەکانی خۆیان بکەن و هەموومان پێکەوە ئەو دەرفەتە زێڕینە بقۆزینەوە هەتا بە هەموو ئاوات و ئامانجە بەرزەکانی شەهیدان بگەین. با حیزبەکانیش گوێ لە خەڵک بگرن و ڕەخنەکان وەرد بدەنەوە و ئەوەی بە مەنتقی سیاسی باشە بیگرنە بەر و قازانج و بەرژەوەندی گشتی و نەتەوەیی ڕەچاو بکەن، ئەگەینا مێژوو ڕەحم بە هیچ کەس و ڕەوتێک ناکات.
ئەگەر وشیارانە و ژیرانە نەجووڵێینەوە گەیشتن بە مافەکانی نەتەوەکەمان لە ڕۆژهەڵاتی داگیرکراو زۆر وەپاش دەکەوێ و بە ئەگەری دڵساردی و بێ هیوایی، هەموومان زەرەر دەکەین. کەواتە با پێکەوە بین و بە ڕەنگە جۆراوجۆرەکانی ناو کۆمەڵگای کوردستان خۆمان بۆ گورزی ئاخر تەیار بکەین بۆ گەیشتن بە هەموو مافە نەتەوایەتییەکانمان.
نەورۆزتان پیرۆز
دڵسۆزی نەتەوەی کورد
سەلیم حەقیقی ٢٩ی ڕەشەمەی ١٤٠١ی هەتاوی
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment