پەیامی پارتی سەربەخۆیی کوردستان سەبارەت بە هێرشی موشەکی ئێران بۆ سەر بنکەکانی حیزبی دێموکراتی کوردستان لە کۆیە
هاونیشتمانیان و کوردستانیانی خۆشەویست
ڕیژیمی ئێران دوای بەردوامیی نزیک لە دوومانگی شۆڕشی ژینا بە باشی بۆی دەکەوتووە کە توانای سەرکوتی ئەم شۆڕشەی نیە و لێی تێگەیشتووە کە نەتەوەکانی بندەستی ئێران تا بەئامانج گەیاندنی شۆڕشەکەیان بەردەوام دەبن . سەرکەوتن و کۆتایی شۆڕشی ژینا لەگەڵ کۆتایی دەسەڵاتی ئەواندایە. ڕێژیم ترسی ئەوەی لێ نیشتووە کە لە ژێر کارتێکەری بەردەوامی شۆڕشدا هێزەکانی ئەرتەش دوودڵ بن لە پاراستنی دەسەڵات و تەقەی تێکەوێت و بچنە بەرەی خەڵکەوە .
هەر بۆیە لە پەلەقاژەی سەرەمەرگدایە. لەگەڵ ئەوەیدا لە ناوەوە بە دڕندانەترین شێوە بە گشتی خەڵکی ڕاپەڕیو سەرکوت دەکات ، بەتایبەت لە کوردستان و بلوچستان کە بونەتە دینەمۆی بەردەوامی شۆڕشەکە بە هیچ شێوەیەک دەست ناپارێزێت و دەستی بۆ کوشتار و سەرکەت ئاواڵەترە . هەربۆیەشە ڕادەی شەهیدەکان لەم دوو نەتەوەیە بە بەراوەرد لەگەڵ باقیی ئێران زۆر زیاترە.
ڕێژیم لە پێناو پاراستنی دەسەڵاتەکەیدا دەیهەوێت بە هەر شێوە و لە هەر ڕێگایەکەوە بێت شەڕ بخاتە دەرەوەی سنوورەکان تا بتوانێت لەم ڕێگایەوە شۆڕشی ژینا ببەستێت بە دەروە ، بە پلان داڕێژراو و دەستکردی نەیارانی دابنێت و بە دەست تێوەردانی دەرەکیی لە پێناو دابەشکردنی ئێراندا تاوانباریان بکات. پێیوایە لەم ڕێگایەوە دەتوانێت یەکەم شەرعیەت بە سەرکوتی شۆڕشەکە بدات و دووهەمیش سۆزی زیاتری هێزە چەکدارەکان بەلای خۆیدا ڕابکێشێت . لەم پێوەندیەدا دیوار لە دیواری حکومەتی هەرێمی کوردستانی نزمتر دەست نەکەوتووە . بۆیە بە کەڵک وەرگرتن لە پێدەنگی و ڕازیبوونی وڵاتانی دراوسێ و لەوەش گرینگتر هەڵوێستی لاواز وبێ کردەوە و شەرمێونانەی وڵاتانی ئوروپایی و بە تایبەت ولایەتە یەکگرتووەکانی ئەمریکا ، هەر ماوەیەک جارێک دەست دەداتە بۆمباران و هێرشی درۆنی بۆ سەر هێزەکانی ڕۆژهەڵاتی کوردستان و پۆلێک لە ڕۆڵە بەئەمەگەکانی نەتەوەکەمان شەهید دەکات . دواییش بە مەحکوم و ئیدانەکردنێک نەجاتی دەبێت وەک بەرزی بابان دەربازی دەبێت .
پارتی سەربەخۆیی کوردستان هێرشە دڕندانەکانی ڕێژیمی ئێران بۆ سەر خەڵکی سڤیل، مەدرەسە و شوێنە کشتیەکان و بنەماڵە و هێزە سیاسیەکانی ڕۆژهەڵاتی کوردستان و شەهید و بریندار کردنی ڕۆڵەکانی نەتەوەکەمان بە توندی مەحکوم دەکات . هەروەها سەرەخۆشی خۆی ئاراستەی حیزبی دیموکراتی کوردستانی ئێران بە گشتی و بنەماڵەی شەهیدانی ئەم هیرشە دڕندانەیە بە تایبەتی دەکات و هیوای هەرچی زووتر چاک بوونەوە بۆ بریندارەکان دەخوازێت .
پارتی سەربەخۆیی کوردستان داوا لە هەموو مرۆڤدۆستان و ڕێکخراوەکانی مافی مرۆڤ و ڕێکخراوە ئن جی ئۆکان دەکات ، گوشار بخەنە سەر حکومەتەکانیان تا لە ڕێگای ڕێکخراوی نەتەوە یەکگرتوەکانەوە کۆمەڵگای نێودەوڵەتی مەجبوور بکەن لەباتی ئەم هەڵوێستە لاوازانەیان لە بەرانبەر کردەوەکانی ئێران کە هەڕەشەی جیدیە بۆ سەر مرۆڤایەتی بە گشتی . بۆ ڕزگاربوون لە شێرپەنجەی ڕێژیمی کۆماری ئیسلامیی ئێران و لابردنی ئەو خاڵە ڕەشە بە نێوچاوانی کۆمەڵگای مرۆڤایەتیەوە هەڵوێستی جیددی و بە کردەوییان هەبێت کە لە ئاست ئەو تاوانانەدا بێت کە کۆماری ئیسلامی بەرابنەر بە نەتەوەکانی بندەستی ئێران و دەرەوەی سنوورەانی ئێرانیش دەیکات .
سەرکەوتوو بێت شۆڕشی ژینای کوردستان
پارتی سەربەخۆیی کوردستان
١٤/١٠/٢٠٢٢
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment