ڕاگەیندراوی پارتی سەربەخۆیی کوردستان سەبارەت بە ڕاپەڕینی ژینا بۆ ژیان و ئازادی
خەڵکی ڕاپەریوی ڕۆژهەڵاتی کوردستان و ئێران
ئازادیخوازان و ماندویی نەناسان
ڕاپەرینی ژینا بۆ ژیان و ئازادی پێی نایە هەشتەمین رۆژی خۆی. لەو ماوەیەدا بە دەیان هاووڵاتی کورد و غەیرە کورد گیانیان کردۆتە قوربانی ئازادی گەل و نیشتمان دژی کۆماری ئیسلامی ئێران. هەروەها بە سەدان کەس بە دەستی جەللادانی رژێم بریندار بوون و هەزاران کەسیش دەسبەسەر کراوون و خراونەتە زیندان.
رژێمی کۆماری ئیسلامی بەهەر شێوەیەک کە بۆی بکرێ هەوڵدەدات ئەم ڕاپەرینە سەرکوت بکات. دەیهەوێت بە هۆی بڕینی ئینترنێت پەیوەندی خەڵکی ناوخۆ و دەرەوە لێک ببڕێت. دەیهەوێ بە هەرەشە و بەچەواشەکاری و سەحنەسازی جۆرا و جۆر خۆپیشاندەران تاوانبار بکات بۆ رەوایەتدان بە سەرکوت و گرتن و کوشتن. هەتا بۆتان دەکرێ خۆ لە کوشتن بپارێزن، لە هەمانکاتدا کە ماندویینەناسانە درێژە بە خۆپیشاندانەکان دەدەن تا روخانی رژێمی کۆماری ئیسلامی کە دەبی ئامانجی سەرەکی ئەم ڕاپەرینە بێت.
خەڵکی ڕاپەریو و وەزاڵە هاتوی کوردستان و ئێران. ئێمە وەک پارتی سەربەخۆیی کوردستان سەری رێز و حوورمەت دادەنەوێنین بۆ شەهیدانی ڕاپەرین و خۆمان بە هاوخەمی دایکان، باوکان و خۆشک و براکانیان دەزانین. ئەم شەهیدانە شەهیدی گەلن و شەهیدان نامرن. داوای هەرچی زووتر چاک بوونەوە بۆ بریندارەکان دەکەین و هیواخوازین دەسبەسەرکراوان و گیراوانیش بە سڵامەتی بگەرێنەوە باوەشی راپەینی ژینا بۆ ژیان و بۆ ئازادی.
پارتی سەربەخۆیی کوردستان دەستی لەناودەستی ئێوەدایە و تا وەدستهاتنی ئامانجەکانی خەڵک لە خەبات و تێکۆشان ڕاناوەستێ و ماندوو نابێت.
ئەرکی هەموو خەڵکی کوردستان و ئیرانە لە دەرەوەی وڵات کە نەهێڵن خەڵکی ناوخۆ هەست بە تەنیایی بکەن. پێویستە ڕاپەرینی ناوخۆ پەیویست بکریت بە ڕاپەینی هەمەلایەنە و بەهێزی دەرەوەی وڵات. مامۆستایانی زانکۆکان پێویستە بەهەر شێوەیەک کە بۆیاندەکرێت جەنایەتەکانی کۆماری ئیسلامی بە خوێندکاران و خەڵکی دیکە بناسێنن، پێویستە وێنەی ژینا لە هەر جێگایەکی مومکین بڵاو بکرێتەوە. هونەرمەندان پێویستە بەشداری راپەرین بن و نەهێڵن خەلکی ناوخۆ هەست بە بێکەسی بکەن. پیویستە خۆپیشاندانەکان بگوێزرێنەو بۆ ئەو شوێنانە کە باشترین هەست و سۆز بۆ ناوخۆ دەستەبەر دەکەن. بەردەم بنکەی سازمانی میلل، سفارەتخانەکانی رژێمی کۆماری ئیسلامی پێویستە ببنە شوێنی مانگرتن و خۆپیشاندان. دروشمی بروخی کۆماری ئیسلامی ئیران پێویستە ببێتە دروشمی سەرەکی و روخانی رژێم دەبی ئامانجی راپەرین بێت.
هاووڵاتیانی تێکۆشەر
ڕاپەرینی ژینا بۆ ژیان و بۆ ئازادی ڕاپەرینە دژی ٤۳ ساڵ دەسڵاتی سەرکووت و دژی گەلی کۆماری ئیسلامی ئێران، ڕاپەرینە دژی بێحوورمەتی و گرتن و کوشتن، راپەرینە دژی ژیانێک کە کۆماری ئیسلامی بەزۆر دەیهەوێ بەسەر خەلکانی ئێرانی دا داسەپێنی. ئەم ڕاپەرینە راپەرینێکی بەهەق، بەجێ و تاکە رێگایە بۆ لە ناو بردنی کۆماری پەت و سێدارە لە ئێران.
خەڵکی ڕاپەریوی نیشتمان! ئیستا شەقام و کۆڵانەکان لە بەر دەستی ئێوەدایە. درێژەدان بە ڕاپەرین تا کۆتایی دەسەڵاتی کۆماری ئیسلامی ئیران ئەرکی هەمو خەلکانی ناو جوگرافیای ئێرانە هەم لە ناوەوەی ئێران و هەم لە دەرەوەی ئێران. ئەرکی باوکان و برایانە کە بەردەوام پشت و پەنای دایکان و خۆشکانی ڕاپەریو و تێکۆشەر بن.
ئەرکی حیزب و رێکخراوە سیاسیەکانی کوردستان و ئێرانە کە شێلگیرانە پشتی خەڵکی ڕاپەریوی وڵات بەرنەدەن و خۆ ئامادە بکەن بۆ بەدەستگرتنی ئیدارەی وڵات دوای روخانی کۆماری ئیسلامی ئێران. پارتی سەربەخۆیی کوردستان هەردەم ئامادەیە بۆ هاوکاری دەگەل هێزە سیاسیەکانی کوردستان بۆ هاوخەباتی دژی داگیرکاری و دەستەبەر کردنی سەروەری سیاسی و ژیانێکی پڕ لە سەروەری بۆ خەڵکی کوردستان.
سڵاو لە شەهیدانی ڕاپەڕین
بروخی کۆماری ئیسلامی ئێران
بژی کورد و ڕزگار و سەربەخۆ بێت کورستان
پارتی سەربەخۆیی کوردستان
۲٠۲۲_٠۹_۲۳
Skickat från min iPhone
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment