تەنها کوردایەتییە کە بە نەمری دەمێنێتەوە، نووسینی دکتۆر جەبار قادر
تەنها کوردایەتییە کە بە نەمریی دەمێنێتەوە.
تەنیا بیر و ئایدیۆلۆژیا کە بۆ کورد بە زیندوویی دمێنێتەوە، کوردبوون و کوردایەتییە. ئەو کوردایەتییەی لێرە باسی دەکەم کوردایەتییەکە تەنها لە پێناو گەل و نیشتماندا خەبات دەکات و باوەڕی تەواوی بە مافی بڕیاردانی چارەنووسی نەتەوەی کورد هەیە. لە کاتێکدا دەزانێ کە لە بارودۆخی ئەمڕۆی دونیا و کوردستاندا ناتوانێ دەوڵەتی سەربەخۆ دابمەزرێنێ، ناچێ دەست لەو خەونە هەڵبگرێ، بەڵکو هەوڵی دروستکردنی بناغە سەرەکییەکانی دەدات، و خەریکی نەتەوەسازیی دەبێ. گەل و نەتەوە لە سەر بنەمای ئایین و ئاینزا و ناوچە و دیالێکت و خێڵ و هۆز دابەش ناکات. لە گەڵ دوژمنان و نەیارانی نەتەوەدا دەست تێکەڵ نەکات و ڕێگە نادات لە دژی بەرژەوەندی باڵای نەتەوە بەکاربهێنرێ.
کوردایەتییەک باوەڕی تەواوی بە دادپەروەری کۆمەڵایەتی و یەکسانی هاووڵاتیانی کوردستان هەیە و لە پێناو هەژاراندا خەبات دەکات، بە حوکمی ئەوەی زۆربەی دانیشتوانی کوردستان هەژار و کەم دەرامەتن، ئەمەش ئەنجامێکی ڕاستەوخۆی سیاسەتی کۆڵۆنیالیزمی ئەوروپایی و داگیرکەرانی هەرێمایەتییە.
کوردایەتییەک باوەڕی بە ئازادی باوەڕ و ئایین و جیاکردنەوەی ئایین و دەوڵەت هەیە. بەڕێوەبردنی کاروباری ڕۆژانەی خەڵک بە پێی قانوون و دەستوور دەبێ و نابێ ڕێگا بدرێ نە ئایین بۆ ئەم مەبەستە بەکاربهێنرێ و نە باوەڕمەندانی هیچ ئایینێک بچەوسێنرێنەوە.
کوردایەتییەک مەبەستی بێ کورد کۆبکاتەوە و پەرە بە ئاشتی ناوخۆیی بدات و تۆوی دووبەرەکی و ڕق و کینە نەچێنێ، ڕووی هێز و تواناکانی هەمیشە لە داگیرکەران بێ، نەک لە خووشک و براو هاوچارەنووسان.
سەیری هەموو ئەوانە بکەن کە وەدووی ئایدیۆلۆژیای جۆراوجۆر کەوتن، لە کۆتایێدا چییان بۆ گەڵ و نیشتمان هێنا و چۆن دوا جار گەڕانەوە بۆ باوەشی کوردەواری.
کوردایەتییەک لە کاتێکدا بە هەموو هێزێوە لە دژی داگیرکەرە، بەڵام ڕقی لە هیچ گەل و گروپێکی ئەتنیکی و ئایینی نییە، کوردایەتییەکی مرۆڤدۆستانە و دوور لە ڕق و کینەی نەتەوەیی و ئایینیە.
هەموو ئەوانەی بانگەشەی ئەوەیان دەکرد سەردەمی ناسۆنالیزم بەسەرچووە، با سەیرێکی دونیای ئەمڕۆ بکەن و بزانن چۆن ناسیۆنالیزم و نیشتمانپاروەری گەلان دەبزوێنن و هانیان دەدەن بەرگری لە خۆیان بکەن. ئەوە ناسیۆنالیزمە گەلی ئوکرایینا هاندەدات لە دژی زلهێزێکی وەک ڕووسیا بەرگە بگرێ. دونیا ڕێز لە گەلی وا دەگرێ و بە هانایەوە دەچێ و نەفرەت لە خۆفرۆشان و ملکەچان دەکات.
گەلانی پێشکەوتووی خاوەن دەوڵەت ناویان لێ ناوە نیشتمانپەروەری کە هەر لە گەڵ ناسیۆنالیزمدا تێکئاڵاون چونکە سنوورەکانی نەتەوە و دەوڵەت هاوتان، ئێستا هەوڵی گونجاندنی بیانییان یا ڕق برامبەریان هەندێ خەسڵەتی دیکەی ناسیۆنالیزمی ئەوروپایی و ئەمریکاییە.
بەراوردێکی بیرەوەرییەکانی مووسا عەنتەر و ئەوانی دیکە بکەن، دەبینن چۆن کوردایەتی دەدرەوشێتەوە و ئایدیۆلۆژییەکانی دیکە کاڵ دەبنەوە.
کەرەسەیەکی سەرەکی ئەم کوردایەتییە زمانی کوردییە کە هەست و سۆزی مرۆڤی کورد جۆش دەدا و وای لێدەکات چێژ لە مۆسیقا و گۆرانی و شیعر و ئەدەبیاتی کوردی ببینێ، ئەوانەی کوردی نازانن و هەوڵیش نادەن فێری کوردی بن ناتوانن ببن بەشێکی کارا لەم کوردایەتییە.
من باوەڕم بەم کوردایەتییە هەیە، نەک شەرم ناکەم بەوەی بە ناسیۆنالیست دابنرێم، بەڵکو شانازی پێوە دەکەم و لە لای من تەنها هزرە بۆ ئەم بارە سەختەی کورد دەسبدات، هەڵبەتە بەو ناوەڕۆکەی ئاماژەم پێ کردووە، نەک کەسانی بێن هەموو هەڵس و کەوتیان لە دژی بەرژەوەندی باڵای گەل و نیشتمان بێ و نەتەوە پارچە پارچە بکەن و خەریکی گەندەڵی بن و خۆیان بەهەڵگری بیری کوردایەتی دابنێن.
تێبینی:
بۆ ئەوەی ئەم باسە بۆ پەلاماردانی ئەم و ئەو بەکارنەهێنرێ، پێشەکی دەڵێم لە سەر گۆڕەپانی کوردستانی ئەمڕۆ هیچ حیزب و ڕێکخراوێک نییە هەڵگری ئایدیای ئەم کوردایەتییە بێت کە لێرەدا باسی دەکەم و ڕەنگبێ بەلای زۆربەی خەڵکەوە لەم سەردەمەدا لە خانەی خەیاڵدا دابنرێ ، گومانم لەوەدا نییە ڕۆژێک دێ زۆربەی کورد وا بیر دەکاتەوە و ئەو کاتە گەشتی کوردایەتی ڕاستەقینە دەسپێدەکات.
ڕەنگبێ هەندێ گرووپی بچووک و هەزاران کورد لە کوردستان و دیاسپۆرا هەبن هەڵگری ئەم بیرە بن، بەڵام پەرش و بڵاون و لە یەکدییەوە دوورن و هیچ ڕێکخراوێکی نەتەوەیی نییە کۆیان بکاتەوە. بەداوای لێبوردنەوە هەموو قسە و کۆمێنتێکی زبر لادەبرێ.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment