پەیامی پیرۆزبایی کاک عەلی مازوچی بۆ کۆنگرەی پێنجی پارتی سەربەخۆیی کوردستان
بەڕێزانی رێبەرایەتی، کادیر و ئەندامانی تێکۆشەری پارتی سەربەخۆیی کوردستان،
دە ئەو رۆژانەدا ئێوەی بەرێز سەرقاڵی پێداچوونەوەی کار و تێکۆشانی چەند ساڵەی خۆتان و شیکاری هەل و مەرجی رەخساو دەکاتی ئێستادا و دیاریکردنی ڕێگا وتەکتیک و ستراتیژی داهاتوون. تێکۆشانی ئێوەی بەرێز بێگۆمان شوێنەواری گرنگی لە سەر ڕەوتی سیاسی لە رۆژهەڵاتی کوردستان داناوە و دادەنێت. بەشێک لە ڕێبەرانی ئێوە لە بەڕگەیەکی زەمانیدا هاوڕێ و هاوخەباتی من بوون و ئەمن ئەوان لە نزیکەوە دەناسم. ئەو هەواڵانە هەموویان جێگای متمانە و باوەرپێکردنن و ئەمانەتداری باشن.
درۆشمی کۆنگرەی "هیوا" یانی، یەکگرتوویی هەوێنی سەرکەوتنە، بە حەق دەجێگای خۆێدایە. ئەگەر لە سەدەکانی پێشوودا عەشایر و میرەکان لەمپەر بوون لە سەر ڕێگای یەکگرتووی و بە میللەت بوونی گەلی کورد، ئەمڕۆ نابێت حیزبەکان پێش بە ئەو پرۆسەیە بگرن و لەمپەر بن لە سەر ڕێگای بە ساختاریکردن و دروستکردنی قەوارەیەکی میللی لە ناو کۆمەڵی کوردەواریدا. ئێمەی کورد لە مێژە پێویستیمان بە خۆ ڕێکخستن و یەکێتی و پێکهێنانی قەوارەیەکی میللییە، کە بتوانێت سەرجەمی توێژەکانی کۆمەڵ و ئایینەکان و کەمینە نەتەوەیەکان نوێنەرایەتی بکات. لە مێژە ئێمە نەمانتوانیوە فاکتورەکانی کە دەبنە هۆی پەرتەوازە بوون، پێناسە بکەین و ڕێگا چارەیان بۆ بدۆزینەوە. بە باوەڕی من کۆنگرەکەی ئێوە بە پێی ئەو درووشمەی کە هەڵی گرتووە، دەکرێت سەر قاڵی ئەو خاڵانەی خوارەوە ببێت کە بوونەتە هۆی پەرتەوازە بوون و دەهەمان کاتیشدا دەهەوڵی دۆزینەوەی خاڵە هاوبەشکانی ڕێگای یەکگرتوویی ببن:
• فاکتوری دابەشکردن و دەسەڵاتداری کردن لە ڕێگای چەکدار کردن، لە مێژووی کورددا زۆرجار عەشایر لە ڕێگای جۆرا و جۆر فریو دراون و چەکداریان کردون و بە گژ بەشێکی دیکەی میللەتی خۆیاندا کردون. لە کوردستانی رۆژهەڵات ئەو دیاردەیە لە ناوچەی موکریان بە زەقی دیارە. بە جێگای ئەوەی ناوی خراپ و دڵ ئێش هێنەر لە سەر ئەوانە دابنێن، پێویستە پرۆسەیەکی ئاشتکردنەوەیان دە گڵ دەست پێبەکەێن. پرۆسەکە دەتوانی ناوی (دانپێداهێنان و لێبوردن) بێت. ئەو پرۆسەیە دەکرێت لە ڕێگای پەیوەندی گرتن بۆ دڵدانەوە و ئاشتکردنەوە بە زووترین کات دەست پێبکرێت.
• فاکتوری ئابووری
ئەگەر باش سرنج بدەین، بۆ مان دەردەکەوێت کە فاکتوری ئابووری رۆڵێکی مەزن لە دابەشکاری و دەسەڵاتداریدا دەگێڕێت. ئەو فاکتورە دەبێت چاک لێکدانەوەی بۆ بکرێت و دەبێ بزانین لە کام ناوچە بۆ فریودانی خەڵک کەڵکی لێ وەردەگیردرێت وبۆ رەوشەنگەری کاری لە سەر بکرێت. هەر وەها ئێمەش دەبێت خۆمان لە باری ئابوورییەوە تەیار بکەین.
• فاکتوری بێ قەوارەیی
خانی لە داستانی مەم و زین دا دەنووسێ:
"بۆ مەش کە هەبایە پادشایی خۆا تانجێکی پێ ببخشیایی
پەیدا دەبو رێز و گەورەیی و ناو ڕەنگ و کری مەش دەهاتە بەرچاو
ئێمە ئێستا پێویستمان بە پێکهێنانی کۆنگرەیەکی نەتەوەییی یان بەرەیەک یان پارڵمانێکی کوردی کە بتوانیت نوێنەرایەتی سەرجەم خەڵکی رۆژهەڵاتی کوردستان بکات و میللەتی کورد بە شێوەیەکی یەکگرتووانە کاری دیپڵۆماسی و میدیایی و ئەگەر پێویست بوو کاری نیزامی و ڕێکخستن بکا. بە تایبەت چەند هێزی و چەند میدیایی و رێکنەخستنی سوپایەکی میللی ئێمە دیسان تووشی شەڕی ناوخۆیی و بێ هێزبوون دەکاتەوە و ئەو پەرتەوازییە خەرجی و دەرڕەفتیشی زۆر تێدایە و لە باری ماڵی هەموومان زەرەرمەند دەکات.
• فاکتوری خۆگرێدان بە حکومەتەکانی دژبەر و دەوروبەر، دەژایەتیکردن دەگەڵ حیزبەکانی دیکە
ئەو کردەوە دزێوە دەو سەردەمەدا بۆتە کێشە و لەمپەرێکی گەورە لە سەر بەرەو پێشەوە چوونی دۆزی کورد. کەم جار نەقەوماوە کە هێزی حیزبی پارچەیەک لە کوردستان شەڕی نیابەتی بۆ حکومەتێک بە دژی حیزبی پارچەکەی دیکەی کوردستان کردۆە. پێویستە کە ئەو دیاردیە بە توندی مەحکوم بکەێن و وەک کولتوریکی دزێو و زیانهێنەر پاکی بکەینەوە
• فاکتۆری ڕێگا چارەسەری دۆزی کورد
ئێمە هەتا ئێستاش نەمانتوانیوە لە سەر ڕێگەچارەیەک ساغ بینەوە. هێندێک داوای ئاوتۆنومی، هێندێکی دیکە داوای فیدرالیزم و بەشێکی دیکەش داوای سەربەخۆیی دەکەن. ئەگەر ئێمە ئامانجمان یەکگرتن بێت، دەبێت ڕیگایەکی گونجاو بۆ ئەو ستراتیژییەش بدۆزینەوە، ئەگەرنا ناتوانین لە ژێر چەترێک کۆبینەوە
• فاکتوری ئایینی
میللەتانی دەوروبەری ئێمە بە قازانجی خۆیان کەڵکی زۆرباش لە ئایین وەردەگرن. ئێمەش دەبێت فێربین ئایین بخێنە خزمەت میللەتەوە. لە تورکییە خەڵک یا خۆیان بە "بە موسڵمان و تورک دەزانن و یان بە تورک و موسڵمان" و خۆیان کردۆتە ڕێبەری سوننەی دونیا. لە ئێران ئاینی شیعە خۆێ کردوتە ڕێبەری شێعەی دونیا. مروڤی ئاینی ئێمە نابێ بکەونە ژێر ڕکێفی ئەو دوو ڕەوتە، بڵکە دەبێ ڕێگایەک ببیننەوە کە دەخزمەتی میللەتی کورد دابێت و دەگەڵ هێزەکانی دیکە بۆ یەکگرتوویی و ڕزگاری کوردستان تێبکۆشن.
• فاکتوری ئیدئۆلۆژیکی
ئێمە پێویستە کوردایەتی و خزمەتی کۆمەڵایەتی و دابینکردنی ژیانێکی سەردەمی بۆ خەڵک لە یەکتر گرێبدەێن. نابێت پێمان وابێت کە کوردایەتی بە تەنیا خەڵک ڕازی دەکات. کەسانی سیاسی نابێت دە هەوڵی دەوڵەمەندکردنی خۆیان و فەقیرکردنی خەڵکدا بن. سوسێالدیموکراتی لە وڵاتانی ڕۆژئاوادا بە دابینکردنی بیمەی بێکاری و بیمەی نەخۆشی ، بیمەی خانەنشینی و دروستکردنی نەخۆشخانە مەکتەب و جێگای حەسانەوە و جێگای خزمەت بە پیر و پەککەوتان و ڕەخساندنی هەلی کار و دانانی سیستیمی پرۆگرێزوی ماڵیات لە سەر دەوڵەمەندان و کارخانەداران بۆ دابەشبوونی داهات توانیوێتی ژیانێکی باش بۆ خەڵک دابین بکات. ئێمە نابێ قورسایی بخەێنە سەر ئیدئۆلۆژیک، بەڵکە پتر خەریکی دیتنەوەی ڕێگای بختەوەری خەڵک ببین و تواناکانمان بۆ ئاوەدانی کوردستان لە هەموی بوارەکانەوە وەگەڕ بخەین.
دووستانی بەڕێز،
ماندونەبوونیتان لێدەکەم و هێوادارم کۆنگرەکەتان بتوانێ لە ئەو بوارانەوە و لە زۆر باری دیکەوە خوێندنەوەی بە کەڵک بکات و سەرکەوتوانە دەست بە کارەکانی داهاتووی بکات.
بە سوپاسەوە
عەلی مازوجی
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment