پەیامی پشتیوانی پارتی سەربەخۆیی کوردستان بۆ خۆپیشاندانەکانی خەڵکی ئەهواز
هاونیشتمانانی هێژا و گەلانی تێکۆشەری ناو جوگرافیای ئێران!
زیاتر لە شەش رۆژە خۆپێشاندان و ناڕەزایەتی خەڵکی ئەحواز لە زۆربەی شارەکانی ئەم پارێزگایە و دەور و بەری بەچڕی دەستی پێکردوە و تا دێت پەرەگرتر دەبێت و کۆماری ئیسلامیش بە دڕندانەترین شێوە لە هەوڵی سەرکوتیاندایە. هەتا ئەمڕۆ بۆ ئازادی و ئاو و نان سەدان کەس بریندار کراون و 7 کەسیشیان بەگوللەی سپای سەر کوتکەری خامنەیی کوژراون.
گەلی ئەحواز وەک باقی نەتەوە بندەستەکانی دیکەی ناو جوغڕافیای بەناو ئێران لە خێر و بێری خاک و وڵاتی خۆیان بێبەش کراون و کۆماری پەت و سێدارە لە هەموو ڕێگایەکەوە سامانە سروشتییەکانی ئەم پارێزگایە لە نەوت و گاز بگرە تا بەرهەمە کشتوکاڵیەکان بە تاڵان دەبات. ڕێ ڕەوی ئاو و سەرچاوەکانیان دەگۆڕێت و دەیانگوێزێتەوە بۆ ناوەندە فارس نشینەکان و هۆر و سەرچاوی بژێوییان لێ وشک دەکات و کارەساتی وشکەساڵی دەسکردیان بۆ دەخولقێنێت.
نەتەوەی عەرەبی ئەحواز لەگەڵ ئەوەی یەک لە نەتەوە دەوڵەمەندەکانی وڵاتی بە ناو ئێرانە خاوەنی خاکی بە پیت و گەورەترین کانگای نەوتی ناوچەکەیە بەڵام سەختترین و ناخۆشترین ئاستی ژیانیان هەیە بەشێک لە خەڵکی حوەێزە و خەفاجییە و حەمیدیە، ئێستاش لە کۆخ و خانوی قامیشیدا دەژین . گەنجان و لاوان و شۆڕشگێڕانیان دەگرن و لە چاڵە ڕەشەکانی ئەشکەنجە دەدرێن و بە پەتی سێدارە دەسپێردرێن. ئێستاش وەک دەبینین گەلی ئەحوازی خۆپیشاندان و ناڕەزایەتیەکی بەرینیان لە زۆربەی شارەکان دەست پێکردوە و سپای پاسدارن و هێزی سەرکوتکەری کۆماری ئیسلامی بە نامرۆڤانەترین شێوە بەرەنگاریان دەبنەوە و هەوڵی سەرکوت کردنیان دەدان. پارتی سەربەخۆیی کوردستان پێی وایە کە هاوخەباتی و پشتگیری نەتەوەکانی ناو جوغرافیای دەستکردی ئێران بۆ گەلی ئەحواز ئەرکێکی مێژوییە و هەلێکە بۆ هاوخەباتی یەکدەست لە پێناو سەربەخۆیی و سەروەری گەلانی بندەست.
پارتی سەربەخۆیی کوردستان پشتیوانی لە خەباتی ڕەوای گەلی ئەحواز دەکات و پشتگیری خۆی بۆ خۆپیشاندانەکانی گەلی ئەحواز لە پێناو مافە ڕەواکانیان دەردەبڕێت و داوا لە نەتەوەی کورد و باقی نەتەوەکانی تریش دەکات پشتیوانی برایانی نەتەوەی عەرەبی ئەحواز بن.
سەرکەوێت خەباتی نەتەوە بندەستەکان لە پێناو ڕاماڵینی داگیرکەران و گەیشتن بە سەربەخۆیی و سەرفرازی نەتەوەیی.
پارتی سەربەخۆیی کوردستان
2021/07/22
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment