کێشەی پەکەکە و پارتی دیموکراتی کوردستان لە بەرژەوەندی کێ دایە؟
لەدوای دامەزرانی کۆماری کوردستان، هەرێمی باشووری کوردستان، وەک بەرچاوترین و گەورەترین دەستکەوتی مێژوویی گەلی کورد لە ماوەی چەندین دەهەی ڕابردوودا ئەژمار و پێناسە دەکرێت. پێکهاتنی ئەم کیانە نەتەوەییە بەرهەمی خوێنی هەزاران هەزار شەهید و قوربانی وخەباتی چڕوپڕ و دوور و درێژی قارەمانانی نەسرەوتووی گەلی کوردە و لە هەمان کاتداجێگای هیوا و هومێدی ئەمڕۆ و داهاتووی گەلەکەمانە. بە لەبەر چاوگرتنی ئەم ڕاستییە پاراستنی ئەم دەستکەوتە نەتەوەییە وێڕای ڕەخنە لە کەم کوڕییەکانی ئەرکی تاک بەتاکی کوردان و هێز و لایەنە سیاسیەکانی هەر چوار پارچەی کوردستانە. شێواندنی ئاسایش و ئارامی کوردستان بە هەر بڕ و بیانوو و ئەنجەتێک راستەوخۆ دەچێتە خانەی جێبەجێ کردنی پلان و ئاواتی داگیر کەران .
بێگومان هەرلایەنێک بە شکاندنی شکۆی کوردایەتی و هەڵایساندنی شەڕی ناو خۆیی تاوانبار بێت دەبێ لە بەرامبەر خەڵکی کوردستان جوابگۆ بێت. دیارە مێژوو و گەلی کورد بە سانایی لێیان خۆش نابێت و دەبی تاوانی ئەم هەڵە گەورەیە بدەنەوە . ئەوەی ئاشکرایە کوردستان خاک و ماڵی هەموو کوردانە. خۆشکردنی هەر ڕێڕەو وبەستێنیک بۆ ئەوەی کورد لە هەموو خاکی کوردستانی گەورە خۆی بە غەریب و نامۆ بزانێ دژ بە بەرژەوەندی گشتی و نەتەوەیی دێتە ئەژمار.
وێڕای به هێند گرتنی ئەم مافە پێویستە هێز و لایەنە سیاسییەکانی هەر چوار پارچەی کوردستان لە دەستێوەردان لە کاروباری ناوخۆی بەشەکانی دیکە خۆ بپارێزن و ڕێز لە یاسا و ڕێساکانی ناو خۆیی و نەتەوەیی و نێودەوڵەتی بگرن. هەڵاییساندن وخۆشکردنی شەڕی ناوخۆیی، گڕژی و ئاڵۆزی نێوان هێزە کوردیەکان جگە لە دوژمن کەس قازانج لێ ناکات. شەڕی نێوان دوو هێزی کوردی براوەی نییە، لە هەر حاڵەتێکدا هەر دوو دۆڕاون و لە ئاکامدا دۆڕاو و زەرمەندی سەرەکی بە گشتی خەڵکی کوردستانە. نەک هێزی ولایەنی سیاسی. رێگای چارەسەری کێشەکان تێکهەڵچوونی سەبازی وقوربانی کردنی ڕۆڵەکانی کورد نییە. دیاڵۆگ و دانشتن و گەیشتن بە تەفاهوم تاکە ڕێگەی مودێرن و سەردەمیانەیە. داگیرکەرانی کوردستان بە درێژایی مێژووی بە پلان و بەرنامەی ستراتێژیک خەریکی سازکردنی دوو بەرەکی و ئاژاوە نانەوە و خۆشکردنی شەڕی کورد و کورد و بە گشتی تواندنەوەی ناسنامەی نەتەوەیی کوردن. لە ماوەی چەند ساڵی ڕابردوو دوژمنان ئەم هەلانەیان بە قازانج خۆیان قۆستۆتەوە. و دژ بە خۆمان کەڵکیان لێ وەرگرتووە. پارتی سەربەخۆیی کوردستان وێڕای بەهێڵی سوور زانینی شەڕی ناوخۆیی و مەحکوم کردنی دەستێوەردان لە کاروباری هەرێمی کوردستان خۆی بە هاوخەمی بنەماڵەی شەهیدان دەزانێ و دوا لە هەر دوو لایەنی پارتی دیموکراتی کوردستان و پارتی کرێکارانی کوردستان دەکات بۆ چارەسەرکردنی کێشەکان رێگای دیالۆگ و گفتوگۆ هەڵبژێرن.
سەرکەوێ خەباتی ڕزگاری گەلی کورد, تەبایی و یەکڕیزی زامنی سەر کەتنمانە.
پارتی سەربەخۆیی کوردستان
2021/06/14
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment